Билим берүү чөйрөсүндөгү сапаттын кепилдигин камсыздоо боюнча EdNet агенттиги 2025–2026-окуу жылында эки ири рейтингди жүргүзөрүн жарыялайт:

• Кыргыз Республикасынын жогорку окуу жайларынын II Улуттук рейтинги — 2026
• Бишкек шаарындагы жеке мектептердин II рейтинги — 2026

EdNet агенттиги тарабынан уюштурулган алгачкы рейтингдер өлкөдө билим сапатын көз карандысыз баалоонун туруктуу тутумун түзүүнүн зарылдыгын көрсөттү. Анын жыйынтыктары билим берүү системасынын күчтүү жактарын аныктоого, өнүгүү багыттарын белгилөөгө жана коомчулуктун билим берүү уюмдарына болгон ишенимин жогорулатууга өбөлгө түздү.

📣 EdNet агенттиги Кыргызстандагы жогорку окуу жайларын жана Бишкектеги жеке мектептерди рейтингдерге катышууга чакырат — бул кадам кыргыз билим берүүсүнүн дүйнөлүк деңгээлдеги аброюн жогорулатуу максатында жасалып жатат. 

Рейтингдердин методологиясы QS, ARWU жана Times Higher Education (THE) сыяктуу эл аралык таанылган рейтинг системаларынын ыкмаларына негизделген. Бул улуттук рейтингдерди дүйнөлүк стандарттар менен шайкеш кылат жана кыргыз университеттеринин эл аралык академиялык рейтингдерге катышуусуна даярдык көрүүгө, мыкты жергиликтүү тажрыйбаларды жана жетишкендиктерди көрсөтүүгө өбөлгө болот.

👉 Эл аралык сапат стандарттарына карай багытталган өнүгүүнүн алкагында дүйнөлүк рейтингдердин жыйынтыктарына көңүл буруу маанилүү. Британдык Times Higher Education (THE) журналы World University Rankings 2026 глобалдык рейтингин жарыялап, анда 115 өлкөдөн 2191 университет катышкан.

Мурдагы жылдардагыдай эле, алдыңкы орундарды Улуу Британиянын жана АКШнын университеттери ээледи. Алдыңкы 200 университеттин катарына кирген постсоветтик жалгыз университет — М.В. Ломоносов атындагы Москва мамлекеттик университети болду.

2026-жылдагы дүйнөнүн алдыңкы 10 университети:

• Оксфорд университети 

• Массачусетс технологиялык институту 

• Принстон университети 🇺🇸 жана Кембридж университети 

• Гарвард жана Стэнфорд университеттери 

• Калифорния технологиялык институту 

• Империялык колледж Лондон 

• Калифорния университети, Беркли 

• Йель университети 

THE рейтинги университеттерди негизги көрсөткүчтөр боюнча баалайт: окутуунун сапаты, илимий изилдөөлөрдүн деңгээли, цитаталоо көрсөткүчү, эл аралык кызматташуу жана инновациялык активдүүлүк.

✨ EdNet агенттиги кыргызстандык университеттер ички сапат механизмдерин өнүктүрүп, маалыматтын ачык-айкындуулугун камсыздоо аркылуу дүйнөлүк академиялык рейтингдерде татыктуу орундарга ээ болуп, Кыргызстанды заманбап жана атаандаштыкка жөндөмдүү билим берүүнүн өлкөсү катары көрсөтүүнү максат кылат.